خدمة تفسير أحلام

السلام عليكم ورحمة الله وبركاته حلمت قبل صلاة الفجر بمدرس لى ايام الدراسة كأنى في درس والدرس في بيتهم.. والمفروض انه بيشرح حاجة وانا كنت قاعدة في أوضة وسامعة صوته في الشرح.. وهو بيشرح في الصالة ومعه طلبة ولاد زملائى... وغالبا انا مكنتش فاهمه حاجة لأنه بيشرحها على السبورة فطلب مني اخرج من الأوضة عشان اشوف الشرح.. ولما جيت طالعه الأولاد اللى كانوا موجودين ميشوا... وشوفت المدرس بيصلي ولما خلص صلاة... اتذكر ان هو كان محتاج حاجة من درج جنبي وجه وقعد جنبي وسند بإيده عليه.. وأنا كنت بحاول ارجع نفسي لورا عشان ميلمسنيش بس هو كان بيحاول وتقريبا كان قاصد يمسك ايدى وكان في ست قريبته قاعده معانا..ومشفتش شكله في الحلم بس شفت لبسه لابس جلابيةلونها ابيض درجة البياض الفاتح اوى واعجبت جدا ب الجلابية بتاعته ولونها. ( وانا حقيقى بحب الجلاليب الرجالي ومن افضل الألوان عندى اللون الأبيض). حلمت بعد الفجر إن عندى أربع فستانين زفاف لونهم أبيض والمفروض بختار واحد منهم او لى واحد والباقين بتوع حد بس انا هختار اللى يعجبنى فيهم.. لبست أول واحد وكان طويل وجميل وكنت فرحانه جدا ولقيت واحدة صاحبتى بتصورنى وقالتلى على شوية حركات كدا أعملهم وانا بتصور ومكنش غيري وهي في المكان واتصورت به وخلعته عشان أجرب التانين... ولبست التاني وحطيت روج لونه موف والمفروض كل فستان كنت بحطله لون روج مختلف وكنت هحط للفستان الثلاث لون أحمر.... وبعدين جه معياد الغذاء امي طلبت مني اخلع عشان الأكل وخلعت الفستان عشان الأكل وأكلت سمك مقلي... وسمعت امي بتتكلم في التلفون مع واحدة على عمايل كحك وبسكوت... وصحيت على كدا من غير ما اجرب باقي الفساتين. ممكن التفسير بالتفصيل بعد إذن حضرتك. وجزاك الله خيراً. ❤️❤️

حلمك الأول يعبر بأن الله سيمن عليك بزوج صالح ذو مال ....والحلم الثاني.. الفساتين تعبر بعروض زواج لا توافقي عليها لانك خلعتيها وستقدمين المال على الزواج واعتقد ان المال يؤول إليك من باب التوظيف والله أعلم.