خدمة تفسير أحلام

حلمت اني ف شقه وفيها بنات ونزلت منها وكنت لابسه شبشب ف رجلي.. بس كان معايا كوتشيين وفضلت ادور عليهم ل حد اما لقيتني ركناهم ف كيس تحت العمارة. اخدتهم وروحت البيت عندنا دخلت المطبخ بتاع جدتي لقيت كأن ف فرح وهيصه ولقيت خطيبي موجود وحضني كده. وقالي هنكتب الكتاب وبعدها طوله زاد عن طوله اللي ف الحقيقه قولتله طب هطلع اغير اللبس ده كنت لابسه احمر وقتها.. ف قولت لاختي اللي أصغر مني ب سنتين كانت وقتها لابسه فستان ابيض وف ورد خفيف من تحت. عشان نبدل الفساتين ف روحنا شقه البنات اللي كنت فيها هيا دخلت الحمام عشان تجيلي الفستان. وانا دخلت لواحدة من البنات احطلي ميكب ووقتها كنت حاطه كحل بس. وبدأت تحطلي ميكب لعيوني. لقيت اختي بتخبط ع الباب بفتحلها لقيت عيونها منفوخه وبتطلع دموع كأنها ثابتة ف الجفن كده بقولها مالك. قالتلي انا جبت مايه ف عنيا ومكنش ينفع اجيب عليها مايه دلوقتي عشان عيني تعبانه. وهيا ف الحقيقه فعلا كانت عنيها تعبانه وراحت للدكتور.. بقيت ف الحلم بقول ياريتني م قولتلها ع حاجه. بس وصحيت.. بيانات اختي. اسمها يارا وانسه وف شخص متقدم لخطبتها بس لسه محصلش خطبة الحالة الدينيه متوسطة

أختك فعلا عنيها تتعبها من الميكب ومناسبه سعيده عندكم