خدمة تفسير أحلام

حلمت ان انا في الشارع بتاعنا وكان منور والجو حلو ولقيت 4 شباب طالعين من بيتنا وماسكين شنط مدرسه وكان فيه واحد منهم مش عجباه شنطته فدخل رجعها وجاب واحده اكبر بعدين مشيوا وكانوا مبسوطين فانا دخلت البيت لاقيت الحيطان كلها متعلق عليها لبس كأنه محل ملابس وكان دهان الحيط متغير وكل حاجه متغيره المهم قعدت اتفرج على اللبس فلقيت بابا بيقولي اختاري اللي انتي عايزاه فروحت لماما أسألها ايه دا فقالتلي وهي فرحانه ابوكي طلع احلا مصمم ازياء في العالم فلاحظت ان الدهان بتاع الحيط والعفش وكدا شبه بيت اختي المتزوجه فسألت اختي (عزباء) هو احنا هنرجع الحاجات دي تاني لاختي المتزوجه بس هي مرضتش عليا وانا بدور في الهدوم لقيت باكو كدا ولما فتحته لقيت فيه بسكوت وعليه شكولاته ساحت كلها في الورقه فانا صحيت على وانا كنت باكل الشكولاته اللي في الورقه ...

تغيير شامل في حياتكم إلى احسن ..والدك سيعطيك الحرية التامة في اختيار شريك حياتك وستخلصين إلى اختيار شخص يليق بك تماما ويوفر لك عيشا كريما والله اعلم.