خدمة تفسير أحلام

حلمت ان لقيت نفسي ف بيت كأنه بيتنا بس مش بيتنا ف الحقيقه الحيطان ع المحاره وكان ف أطفال بيضايقوني ف حجزتهم ف الأوضه بس الأوضه كانت من غير باب وكان بيني وبينهم زي شق ف الارض انا عديت الناحيه التانيه.. باباهم جه وانا اما لقيت ف راجل جبت العبايه السمرا لبستها وغطيت شعري ومشيت روحت بيت العيله . لقيت عمي جاي جرى وبيزعقلي وبيقولي وريني هدومك. وعمال يشم ف هدومي ويتخانق مع ابويا وستي ويقولهم انا قولتلكوا وبيسألني ع الراجل اللي شافه خارج ده. ف انا فضلت اعيط واحكيلك واقولهم أن الراجل ده معرفوش ومليش دعوه بيه.. وبعدين طلعت ف شقتنا. لقيت جدي المتوفى داخل عليا وعمال يعيط جامد وقالي كلام مفهمتهوش وكان زعلان كأنه بيعاتب وزعلان من عياله . ف حضنته وقولتله تعالا نام بس ومتزعلش وطبطبت عليه ونيمته

اول حاجه البيت ده يعبر عن حياتك وان هو على المحاره دليل على ان الحياه في الفتره القادمه او الامور عندك في الفتره القادمه الامور صعبه شويه والحياه قاسيه شويه عليك الاطفال هنا بيعبروا عن اكثر من الموضوع يخصك في مشكله حد يتدخل في الموضوع ده ولكن هنا عمك بيدل على مشكله تحصل لك مع شخص ترتبطي به ولكن في نهايه الحلم تدل على زوال هذه المشاكل وهذا الضيق ابشري وان شاء الله امورك هتكون بخير و تضبط افضل من الاول عليك بالصبر شويه وخدي بالك من تصرفاتك اللي انت بتعمليها عشان تحسبي كل خطوه بتخطيها