خدمة تفسير أحلام

حلمت ان واحده ف شارعنا (متزوجه ومخلفه) بتقول ان مرات عمي خايفه (مرات عمي عامله سحر للبيت كله) معرفش من اي ممكن جارتنا بس ليه علاقه بالاسحار وكانت الست دي جارتنا مش طايقه مرات عمي وبتقول جوزها جاه قعد هنا اللي هوه عمي ووشه احمر وكانت من كلامها انها بتكره مرات عمي جدا وناويلها شر وقالت جمله مش فاهماها :احنا خاربين الجامع ..واللي فهمته انه ليه علاقه بالاسحار برده بس جارتنا دي كانت طريقتها معايا مش وحشه ف الحلم او الواقع كنت ف بيتنا وبيقولو ان انا توفيت وهيطلعولي شهادة الوفاه نن وزارة الصحه وبعدين كنت قاعده مع امي ف البيت وهيا قاعده ف الحمام والحمام منور نور ابيض ساطع جدااا وبتنضف ف رجلها جامد اوي وانا قاعده ادام الحمام وبكلمها وبعدين قولتلها خلصي عاوزاكي ف حاجه (مش فاكره الا ده بس.. مع العلم احنا بنعاني من سحر مرشوش تعطيل لكل البيت بنتعالج منه حاليا وكمان معرفش ممكن جارتنا كان قصدها ف الحلم انها كمان بتسحر او من كلامها)

الحلم يدل على ان انتو تعرفو وفعلا انتي واضح في الحلم اللي انتو عرفتم مين بالضبط اللي عمل لكم السحر ومين اللي عمل لكم المشاكل دي كلها والتعطيلات اللي في البيت كله طبعا اي حد هيعدي على البيت او اي حد هيكون ساكن في البيت سواء قريب او بعيد او طبعا انه يعدي على الأذى معناه ان هو اخذ طاقه سلبيه خلاص ولذلك الحلم يوضح على الظلم اللي انتو اتعرضتو له منها وعمك كمان برده شكله معرض لهذا الاذى ولذلك في الحلم ده هذه المرأه رمز لحد قال لك على كل اللي بيحصل عندكم في البيت من مشاكل ومن سحر حصل لكم وبيساعدكم ان كمان انتم تخرجوا من هذا السحر ويساعدكم في العلاج ولذلك عليكي تجيبي ٢١ ورقة سدر ١٠ جرام زيت ريحان وملح صخري و١٠ لتر ماء وتقرأي سورة طه ٧ مرات وتغتسلي بيهم وترشي البيت بيهم لمدة ٧ أيام وعليكي بقراءة سورة البقره يوميا وأذكار الصباح والمساء والنوم وقيام الليل ومسح البيت بميه بملح بحنه من عند العطار