خدمة تفسير أحلام

ممكن بعد اذنك تفسريلي منامي انا حلمته اليوم الظهر كنت نايمه حلمت اليوم اني كنت في بيت اهلي طبعا انا اصلا متزوجه المهم حلمت اني كنت عندهم بس بيتهم مش نفسه يلي همي ساكنين فيه هلا بالمنام كان البيت كبيير كتييير ومليان ممرات وغرف المهم كان عندهم ضيوف دار خالتي ودار خالي كمان وبعدين مرة خالي طلبت تروح عالحمام عشان تتحمم وانا رحت صرت ادورلها على حمام نظيف يناسب الها كضيفه وكان عند اهلي حمامات كتير اجلكم الله يعني تقريبا ٣ او اربع حمامات هيك شي مش متذكره بالضبط كم واحد بس كتار المهم دخلت اول حمام يلي بغرفه ماما لقيته مش نظيف بالمره وعالارض في اشي بني زي الطين او الصدا اشي زي هيك بعدين رحت عالحمام التاني يلي بغرفة الضيوف برضو لقيته مش كتير نظيف وصرت ادور عحمام بعدين لقيت حالي بره بالحوش ورا البيت وكانت الدنيا ظلمة كتيييير وكان في حمام هناك مطفي ومعتم كتير وبخوف انا مرقت من عند الشباك تبعه وكنت خايفه جدا ومرعوبه قمت قلت اعوذ بالله من الشيطان الرجيم ومرقت بعدين ولا انا بسمع صوت قران طالع من الحمام بصوت عالي وكنت بعيده عنه شوي يعني ما دخلته وعم بسمع فيه من برا واستغربت حكيت دام في صوت اذان معناته الحمدالله مافي شيطان بالحمام ورحت عشان اشوفه ولا انا صاحية طبعا انا متزوجه ومغتربه عن اهلي وزوجي في بينا مشاكل وهو بده يسافر عبلد تانيه ويرجعني عند اهلي وهو مش تمام معي واول مبارح من غضبه الشديد رمى اليمين علي وطلقني ورد وجع ردني اله وانا تعبانه كتير وخايفه وربى

يدل علي هموم و مشاكل تمري بيها عليكي بالتقرب الي الله اكثر والله اعلم